Російскы силы і далше хоснують при атаках на Україні хемічну зброю, што порушує меджінародны договоры. В понедільок то повів командант воєньского зґрупованя Таврія Олександр Тарнавскый, інформує телевізія Sky News. Тарнавскый выголосив, же Росіяны хосновали хемічну зброю, конкретно хлорпікрін, близко села Новоданилівка. Тота хемікалія запричінює подраждіня кожи і оч, а їй вдыхнутя може пошкодити внутрішні орґаны. Хлорпікрін ся хосновав і почас Першой світовой войны, но в сучасности є його хоснованя на воєньскы потребы заказане. Sky News звертать увагу, же то не першый припад, коли Росія хосновала хемічну зброю на Україні.

(Медвідь, TASR)