На Міністерстві жывотного оточіня СР в середу засідала робоча ґрупа заміряна на манажмент  медвідя рудого. Притомны презентовали конкретны выслідкы штудії чіслености медвідів і роботу розшыреного засягового тіму. Як інформував говорця енвірорезорту Томаш Ференчак, міністерство здобыло цінны інформації і імпульзы заступців єднотливых доткнутых актерів, приклады з праксі і дочасны пропозиції можных рішень. На стрічі робочой ґрупы были представителі міністерства жывотного оточіня, аґрорезорту, обороны, самосправ, фармарів, вчолярїв, охранарїв, засяговых тімів, польовників і дальшых актерів. Цільом было досягнути ефектівну і інтензівну сполупрацю вшыткых орґанізацій, котры сполочныма кроками докажуть понижыти різіко стрічі чоловіка і медвідя. (TASR, Pkf)