Роботы на будованю цікломоста через ріку Лаборець в Гуменнім продовжують подля гармоноґраму. Як на інтерентовій сторинці міста інформував Маріян Шкуба з пресового реферату Містьского уряду  в Гуменнім, потвердив то контролный день (1-го авґуста) за участі пріматора міста Мілоша Мерічка, заступцю зготовителя і дальшых партіціпуючіх. Міст довгый 87,5 метра і шырокый 6,05 метра ся в тім часі находить в послідній етапі. Зачали ся іншталовати безпечностны елементы – барєры і нерезовы сіті. Потім то буде управа містьтной драгы і натераня драгы фарбов проти слізкавиці. Рядом з тыма роботами реалізують ся і роботы на будованю ціклопішників з обідвох боків цікломоста. Їх докінчіня ся, подля пріматора міста, планує в авґусті. Як дале доповнив, по одовзданю мостового обєкту є напланована колавдація. Час будованя є до октобра 2023-го року. (TASR, Pkf)