Україна і Хорватія договорили ся на можности хосновати хорватьскы приставы на ріці Дунай і на побережу Ядраньского моря на експорт україньского зерна. Україньскый міністер загранічных діл Дмитро Кулеба о тім інформовав у понедільок по розговорах із своїм хорватьскым колеґом Ґырлічом Радманом. Росія 17-го юла одступила од чорноморьского зерногового договору, якого посередником была Орґанізація зъєдиненых народів і Турція, і котрый уможньовав експорт україньского зерна і почас войны. Ціны зерна на світовых рынках наслідно наросли. Навеце російска армія одвтогды зачала частіше атаковати україньскы приставы і інфраштруктуру повязану з експортом зерна через Чорне море.

(Медвідь, TASR)