Тепло з ґеотермалного верчіня в Кежмарку бы могли хоснувати аж 1500 домашности і школа в близькости, як і матерьскы школы. Повів то пріматор міста Ян Ференчак з тым, же як вшытко піде подля плану ґеотермалне джерело на сідліску Юг за основнов школов і панелак на Левочскій улиці припоять на штирї котолні централного тепла. Реалізацію споминаного проєкту  зачали у фебруарї минулого рока і одгадованый келчік є на уровні трьох міліонів евр. По реалізації і колавдації ставбы буде ціле середовище зревіталізоване і прибуде там місце на тренованя з лавками, стояны на біціґлі і інформачна табуля о значіню даного проєкту про комуніту. (TASR, Pkf)