Штатна охрана природы СР орґанізує протягом юла серію актівіт в рамках меджінародной подїї Молодеж в горах, котра ся каждый рік одбывать в девятёх країнах Алп і Карпат. На Словакії ся акції одбудуть на верьхній Ораві, Полянї і в Сланьскых верьхох. TASR o тім iнформовав одбор комунікації і пропаґації ШОП СР. ,,Цїлём подїї є будованя одношіня молодых людей ку природї, причім тот рочник упрямує позорность на значіня лїса в горьскім середовищу. Важный сімболічный характер подїї є в тім, же стовкы молодых людей можуть зажыти і здїляти своє споїня з природов і навколїшнїма горами в єднакый час на різных місцях в цїлїй Европі,“ приближыли охранарї.

(TASR, Шутіова)