По днешнім російскім атаку на цівілістів в місті Оріхів, котре ся находить на фронтовій лінії в україньскій Запоріжскій області, суть знамы дальшы конкретности. Цівілісты якраз в школі роздавали гуманітарну поміч і Росія поужыла ряджену літецьку бомбу. Інформував о тім портал британьской телевізії Sky News. Будова школы в Оріхіві служыла як централя про роздільованя гуманітарной помочі, пояснив ґувернер Запоріжской области Юрій Малашко. Перше чісло 11 пораненых ся звышыло на 13, о жывот пришли четверо людей – три жены і єден муж, вшыткы штирідцятници. Україньска ґенерална прокуратура ознамила, же зачала карне досліджованя войнового злочіну. (TASR, Pkf)