Дїтьска паліатівна старостливость выжадує сістемову зміну, сітуацію бы могла злїпшыти актуална вызва з плану обновы. Повказала на то незiскова орґанізацiя Пламєнок. Варує, же на Словакії не єствує паліатівне оддїлїня про дїти а дїтьска паліатівна старостливость стоїть орґанізачно і фінанчно на плечах незіскового сектора. ,,Дїтьску домашню паліатівну старостливость додавають на Словакії лем штири домашнї госпіцы фунґуючі в рамках третёго сектора, одборну старостливость о тоты дїти додавать мала кількость одборників,” варовав Пламєнок з тым, же сітуація не є добра. Злїпшіня сітуації бы подля Пламєнка могла принести вызва з плану обновы на розшырїня і обнову капаціт оддїлїнь паліатівной старостливости, до котрой ся можуть здравотницькы заряджіня запоїти до конця юла.

(TASR, Шутіова)