Зранїнь по впаджіню з електрічной колобежкы прибывать. Докторы з урґентных приймів варують, же часто іде о важне зранїня. Апелують, жебы люде при яздї непереценёвали свої способности а были максімално позорны. TASR о тім інформовали Народный інштітут дїтьскых хворот в Братїславі і Міністерство здравотництва СР. Одборници варовали, же важны зранїня грозять не лем дїтём, але і дорослым, котры бы ся перед яздов мали выгнути конзумації алкоголу. Припоминають і важність охранных средств. ,,На голові бы не мала браковати прiлба, котра може хранити перед важным поранїнём головы. При яздї за зниженой відительности суть важны рефлексны первкы і освітлїня,“ приближыли.

(TASR, Шутіова)