Польскый презідент Анджей Дуда вызвав членьскы країны Североатлантічной аліанції, жебы Україні дали ясну перспектіву їй будучого вступу до НАТО, інформує аґентура DPA. Дуда по стрічі з французькым презідентом Еммануелом Макроном і німецькым канцеларьом Олафом Шолцом в Паріжі повів, же Україна чекать єднозначный сіґнал. Польскый презідент высловив надію, же слідуючій юловый саміт НАТО принесе Києву „світло на кінцю тунела“. Стрічі представителів Німецька, Франції і Польщі, знамы як Веймарьскый трикутник, зачали в році 1991 в німецькім Веймарі і первістным заміром было привести Польщу і далшы країны выходной Европы ближе ку Европскій унії і НАТО.

(Медвідь, TASR)