Премєрка Данії Метте Фредеріксенова в понедільок інфомрмовала, же не мать інтерес о функцію ґенералного секретаря Североатлантічной аліанції. Повіла то по стрічі з презідентом Споєных штатів Джовом Байденом в Білім домі, і по окремій стрічі з директором америцькой CIA Вілльямом Бурнсом, пише аґентура Reuters. Сучасный шеф НАТО Єнс Столтенберґ має з посады одступити в осени того року. Функцію шефа НАТО традічно має Европан, но треба згоду Споєных штатів. Шпекулації, же Фредеріксенова є важнов кандідатков на тоту посаду, зінтензівнили, кедь їй мено першый раз публічно спомянуло ся минувшый місяць в статі норвеґійскых новинок VG.

(Медвідь, ТASR)