При писомных матурітах ся повторюють фурт  тоты самы недостаткы. Конштатує то Штатна школска іншпекція (ŠŠI), котра выконала контролі екстерной часті і писомной інтерной части матурітных скушок. Тоты ся одбыли в терміні од 14-го до 17-го марца на середніх школах. Главна школска іншпекторка Алжбета Штофкова Діановска повіла, же даколи іде і о важнішы хыбы, наприклад небыла забезпечена пунктуална контроля документів перевзятых од штудентів ці небыв дотриманый час зачатку тестованя, котрый быв оприділеный в гармоноґрамі. (TASR, Pkf)