Як інформує Пресовый центер Кошыцькой єпархії, з нагоды 250-ой річніці Віденьского сіноду ґрекокатолицькых єпіскопів угорьской части Габсбурзькой монархії в днях 30-го мая аж 1-го юна 2023-го року одбывать ся у Відню споминова подія і конференція ґрекокатолицькых єпіскопів середньой Европы.  Меджі запрошеныма гостями є і архієпіскоп Клаудіо Ґуджеротті, префект Дікастерії про восточны церькви, а апостольскый нунцій у Відню Педро Лопез. Гостительом є Ордінаріят про восточных католиків у Австрії під веджіньом його ордінарія, кардінала Хрістофа Шенборна. Цільом стрічі єпіскопів є „діскутовати о минувшых і сучастных душпастырьскых вызвах в дусі сінодалности“, як о тім інформовав кардінал Шенборн. Кардінал має надію, „же тота конферецнія поможе посилнити роль восточных католицькых церьквей в середній Европі в службі універзалній церькви,“ цітує кардінала Шенборна аґентура Kathpress.  (ЛЕМ.ФМ, Pkf)