Словакія буде і далше підтримовати Україну на вшыткых фронтах і по тім, што ся вычеряла влада. Повів то в понедільок премєр Людовіт Одор по стрічі з літовсков премєрков Інґрідов Шімоніте. Почас стрічі бісідовали і о білатералній співпраці обидвох країн а занимали ся і темами юлового саміту НАТО у Вільнюс. Одор ґарантовав премєрці Літвы, же Словакія і далше буде добрым партнером ці уж у вопросах европской інтеґарції, або Североатлантічной аліанції. Наставліня загранічной політікы буде подля словацького премєра продовжовати в незміненім курзі. Словакія буде подля Одора підптримовати Україну нелем при обороні проти Росії, але і при інтеґрації до Европской унії.

(Медвідь, ТASR)