Амренія є приготовлена за становленых обставин признати спорный реґіон Нагорный Карабах за часть сусіднього Азербайджану, інформує аґентура DPA. Нагорный Карабах належыть меджі 86 тісяч кілометрів квадратных, котры Арменія признала за азербайджаньску теріторію, повів у понедільок армяньскый премєр Нікол Пашінъян. Но о вопросі безпечности і прав армяньского населіня в Нагорнім Карабасі за його словами треба їднати. Арменія з Азербайджаном ведуть конфлікт о Нагорный Карабах од початку 1990-ых років. По новых боях у 2020-ім році Баку здобыло контролю над частьов теріторії, котра одторгла ся од Азербайджану, на основі договору о перемірю. На його дотримованя дозерають російскы мірны силы.

(Медвідь, ТASR)