Депутаты з партії Demokrati не підпорять міморядне засіданя парламенту
00
Ґрупа незарадженых депутатів Народной рады, котры діють в мімопарламентній партії Demokrati, не підпорить міморядне засіданя парламенту о цінах потравин, котре ініціовала опозічна партія Smer-SD. На днешній прес-конференції то повів депутат Юрай Шеліґа. Твердить, же іде о кампань перед вольбами і пропозіції, о котрых хоче Smer-SD їднати, нич не рішають. Ґрупа авізує, же ся буде коордіновати і при голосованю на ряднім засіданю. Партія Роберта Фіца хоче, жебы на міморяднім засіданю обговорили ся пропозіції, котры занимають ся ціновов леґіслатівов потравин, а так само пропозіція закона, котра бы одпустила першовыробцям на пів рока одводы за робітників.
(Медвідь, TASR)
-
Назад / Nazad Жадости о приятя дітины на предпрімарну едукацію на школскый рік 2023/2024 подавають родиче од 1-го до 31-го мая
-
Далше / Dalše Презідентка: Веце професій чекать на ліпше оцініня