Девять пораненых, з того четверо тяжко, собі выжадала выняткова сітуація, ку котрій дошло вчера пополїдні на стіновій порубі в Бані Новакі. На місці дошло правдеподобно к запаліню і выгорїню баньского пліну – метану. Двоє пораненых суть польской і єден україньской народности. Тяжко зраненых транспортовали до шпиталів в Братіславі і Кошыцях. Дальшы пятеро пацєнтів ошетрили в бойницькім шпиталю. Выслухуюча зачне пренаслідувати судом у звязку з провініням общого огрожіня. Припадом ся мать заоберати і крайска прокуратура. До Бані Новакі днесь рано сфарав тім досліджуючіх іншпекторів під веджіньом Обводного баньского уряду в Банскій Быстріці. Пресаґентуру TASR о тім інформувала говоркыня Міністерства господарьства СР Марія Павлусік з тым, же рятовници уж в бані скінчили роботы і стабілізували сітуацію на місці негоды. (TASR, Pkf)