В 12. рочнику Село рока ся представить 12 словацькых сел. О народне оцїнїня і звідітелнїня забоюють Бенківцї, Бзінцї під Яворинов, Чічманы, Чорне, Ґаяры, Якубова Воля, Корня, Нецпалы, Раково, Спішскы Томашівцї, Віносады і Великы Ріпняны. TASR о тім інформовала у четверь говоркыня Словацькой аґентуры жывотного середовища Михаела Пшенакова з тым, же о вітязови вырїшить одборна порота концём авґуста. Село рока є вынятковым простором на репрезентацію сел, котры ся старають не лем о своє середовище, але і о розвиток властных традіцій і културы. Лавреат здобуде фінанчны і вецны дары а буде репрезентовати Словакію в бою о Европску цїну обновы села.

(TASR, Шутіова)