Італійска влада выголосила цілоштатный став біды у звязку із звышуючім ся чіслом іміґрації. Пояснила то потребов промптно реаґувати на высоке чісло міґрантів, котры до країны приходять через Середньоземне море. Інформує о тім аґентура DPA. Став біды буде діяти шість місяців. Вынятково засягнуты реґіоны на югу країны на основі вердікту влады достануть вступных пять міліонів евр, потвердила то про DPA канцеларія італійской премєркы Ґіорґіе Мелоніовой. Італія в послідніх тыждньох зазначіла значный наріст чісла іміґрантів і утеченців із северной Африкы. Лем за послідні дні до країны пришло высше 3000 людей. (TASR, Pkf)