Параґраф 363 Карного кодексу бы ся міг управити. Пропозіції на зміну установліня передложыли до Народной рады Словацькой републікы депутаты OĽANO, але і незараджена депутатка Міріям Шутекова. Парламент бы ся мав новелами занимати на найблизшім ряднім засіданю зачатком мая. Заміром новелы од OĽANO є обмеджіти хоснованя параґрафу 363 на найважнішы припады і хыбы. Сучасный текст закона говорить, же „ґенералный прокуратор зрушыть правоплатне рішіня прокуратора або поліцайта, покля такым рішіньом або в процесі, котрый го опередив, быв порушеный закон“. Передкладателі пропонують доповнити, же порушіньом закона розуміє ся „прінціпіална хыба, котра могла овпливнити рішіня в справі“.

(Медвідь, TASR)