Австрія хоче продовжыти контролі на граніцях з Мадярьском і Словенійов о далшых шість місяців. Актуално выконованы контролі бы іншак перестали робити ся 11-го мая. У віторок то в релації Morgenjournal радіовой станіці Ö1 повів австрійскый міністер внутрішніх справ Ґергард Карнер. Шеф австрійской діпломації конштатовав, же в слідуючіх днях Відень оголосить Европскій комісії, же контролі на граніцях буде мусити продовжыти, кедьже іщі все не минула потреба выконовати дослідны крокы заміряны проти знеужываня азіловой сістемы, пише аґентура APA. Карнер підкреслив, же влони была Австрія під „невіроятно высокым міґрачным тиском“.

(Медвідь, ТASR)