В днях 28-го аж 30-го марца 2023-го року на Словакії на навщіві є префект Дікастерії на підпору єдности хрістіанів, кардінал Курт Кох. Кардінал вже навщівив Кошыці, Михалівці, Пряшів, а днесь є в столиці державы – Братіславі.Проґрам кардінала Коха зачав у віторок на выході Словакії. 28-го марца абсолвовав окрім іншого стрічу з представителями Михалівско-кошыцькой православной єпархії, завітав до ґрекокатолицького путницького центра в Клокочові, в Кошыцях стрітив ся з представителями міста і кошыцькой екумен. В середу Кардінал Кох пришов до Пряшова, де го дополідне прияв на Ґрекокатолицькім архієпіскопскім уряді владыка Петро Руснак, апостольскый адміністратор Пряшівской архієпархії. Кардінала прияв і декан Ґрекокатолицькой теолоґічной факулты Пряшівской універзіты Петро Штурак, де была кардіналови уділена Памятна медайла Пряшівской універзіты. Пополідне кардінал навщівив православного пряшівского архієпіскопа і метрополіту чеськых країн і Словакії – Його Блаженость Ростислава.Тридньовый проґрам кардінала Коха завершыв ся днесь в Братіславі. При нагоді недавного 35-го юбілею Свічковой маніфестації положыв вінець при памятнику на Гвієздославовій площі. В столиці ся стрітив і з Екуменічнов радов церьквей, а быв гостьом сімпозіюма з назвов Меджіреліґійный діалоґ, завершіня 7-ох років меджіреліґійного діалоґу меджі жыдівсков і католицьков комунітов. (ЛЕМ.ФМ, Пкф)