Выбор Европского парламенту про контролю розрахунку вчера рекомандував плену неодобрити словацького кандідата Мартіна Клуса за члена Европского двора авдіторов (EDA). По выслуханю Клуса голосувало проти ньому 20 членів выбору, причім нихто неголосував за  і троє членове при  голосуваню ся стримали. Пресаґентуру TASR о тім інформувало Пресове одділіня Европского парламенту (EP). EP буде голосувати о рекомандації выбору на наслідуючім пленарнім засіданю в Бруселі, котре ся одбуде 29-го аж 30-го марця. Мандат попереднього словацького члена EDA Ладіслава Балка скінчив ся 6-го мая 2022-го року. (TASR, Pkf)