Новый чеськый презідент Петр Павел в понедільок пришов на дводньову навщіву Словакії. Іде о його першу загранічну путь, чім надвязав на довгорічну традіцію своїх попередників. Презідента привітала церемоніалом в Презідентьскім палаці в Братіславі словацька презідентка Зузана Чапутова. Обидвоми презіденты акцентовали вчера сполочны погляды і цінности тых двох країн. Творить то подля них простор про далшу співпрацу. Як припомянули, обидві країны теперь мусять бороти ся з подобныма вызвами, якы дотуляють ся ґеополітічной сітуації, енерґетікы ці гібрідной войны. Презідетны вчера положыли вінці ку памятникам Томаша Ґаріка Масарика і Мілана Растіслава Штефаніка на набережу Дуная, і тым оддали честь памятці основателів першой Чехословацькой републікы. Навщіва чеського презідента продовжує днесь.

(Медвідь, TASR)