Фінландія немать што їднати з делеґаційов мадярьского парламенту, котра в середу прийде до Гелсінк у звязку з розшырьованям NATO. Немать єй ани што пояснювати, выголосив через вікенд про сервер  Demokraatti.fi підпредседа заграничного выбору фінского парламенту і бывшый міністер заграничных справ Еркіі Туоміойа. На дебату попередила в неділю інтернетова сторинка тыжденника Heti Világgazdaság, інформує справодайця TASR в Будапещі. Туоміойа підчеркнув, же до Фінландії прийде делеґація мадярьского премєра Віктора Орбана а не делеґація мадярьского парламенту. Подля його слов навщіва є Орбановов внутрополітичнов гров. (TASR, Pkf)