Америцька міністерка фінанцій Дженет Єлленова в понедільок неоголошено пришла до Києва, жебы проявити країні воюючій проти російской аґресії економічну підпору. Їднала з україньскым презідентом Володиміром Зеленьскым і далшыма ключовыма владныма представителями, меджі котрыма быв і премєр Деніс Шмигаль. Темов їднань были і санкції проти Росії. Україньскый презідент Зеленьскый на соціалній сіті по їднанях написав, же Споєны штаты Україну підтримують од першых днів войны нелем збройов, але і фінанчно, а підкреслив, же є треба іщі веце розшырити санкції, жебы Росію позбыти способности фінанцовати войну.

(Медвідь, ТASR)