Мадярьско і Кітай стоять на стороні міру і суть приготовлены співпрацовати з далшыма країнами світа з цільом діпломатічно закінчіти конфлікт на Україні, потвердили в понедільок в Будапешті мадярьскый міністер загранічных діл Петер Сійярто і высокопоставленый кітайскый діпломат Ванґ І. Шеф мадярьской діпломації припомянув, же тота война, котра собі вже выжадала і жывоты Мадярів жыючіх на Україні, має і на Мадярьско барз неґатівный вплив. Сійярто выголосив, же тото терпіня треба штонайскоріше скінчіти, з тым, же є потрбіне досягнути безодкладне переміря і зачати мірны переговоры.

(Медвідь, TASR)