Председа мадярьской влады Віктор Орбан понукнув поміч пензіонованому ґрекокатолицькому архієпіскопови Жанові-Клементови Жанбартови в сірьскім Алепі. Ішло о реакцію на справы, же будова архієпіскопской резіденції впала при минулотыжднёвім землетрясїню. Про аґентуру MTI то увів Орбанів говорця Берталан Гавасі, інформує о тім TASR. При падї будовы загынув священик а архієпіскопа госпіталізовали з тяжкыма зранїнями. Орбан в листї конштатовав, же справу з Алепа прияв з глубокым знепокоїнём а же інформації о тім, же архієпіском є мімо огрожіня жывота, были про нёго ,,досправды приємны“.

(TASR, Шутіова)