Бывшый америцькый презідент Доналд Трамп подля дослідженя верейного мнінія меджі реґістрованыма републіканцями значно веде в субої о републіканску номінацію на презідентьскый уряд. Выходить то з дослідженя пресаґентуры Reuters і сполочности Ipsos. Презідентьскы вольбы в США будуть в року 2024. Трампові высловило підпору в дослідженю 43 процентів реґістрованых републиканьскых воличів, причім  31 процентів підпорило ґувернера штату Флоріда Рона Де Сантіса. Дослідженя ся одбыло од 6-го до 13-го фебруара меджі 1465 реґістрованыма републіканцями. (TASR, Pkf)