Словакія залучіть ся до помочі Турції по вчерашнім зничуючім землетрясіню, котре выжадало собі стовкы жертв. Інформовав о тім дочасно повіреный председа влады Едуард Геґер. До Турції піде 10 словацькых гасічів і пять гірьскых ратовальників зо псами. Силы резорту внутрішніх справ будуть в країні глядати, ратовати і помагати особам, котрых засягло землетрясіня. Презідентка Словацькой републікы Зузана Чапутова є рада, же Словакія ся залучіла до меджінародной помочі Турції, о чім інформовала на соціалній сіті. Міністерство загранічных діл і европскых справ не має затля інформації о тім, же бы меджі жертвами землетрясіня в Турції а Сірії были і словацькы гражданы, но сітуацію резорт моніторує.

(Медвідь, TASR)