Америцькый презідент Джов Байден зважує, же з нагоды надходячого першого выроча зачатку російской інвазії на Україну навщівить у фебруару дакотры европскы країны. Інформує о тім телевізна станіця CNN, котра ся одкликує на два неменованы высоко поставлены здрої зо середовища Байденовой адміністратівы.  Білый дім заты путь офіціално не потвердив. Єднов зо зважованых заставок мать быти подля єдного зо жрідел Польща, котра є транзітнов країнов про збранї додаваны Українї западныма країнами. Позераючі на обавы о безпечность є подля єдного з цітованых представітелїв барз неправдеподобне, жебы ся Байден в рамках пути заставив і на Українї. CNN припоминать, же Байденовы порадцёве уж дакілько тыжднів роздумують, як сі припомянути выроча зачатку інвазії. Зважують і можливость, жебы америцькый презідент выступив з прінціпіалным проявом.

(TASR, Шутіова)