Новый ізраельскый міністер загранічных дїл Елі Коген приобіцяв Українї далшу гуманітарну поміч, котра ся напрямить на обнову енерґетічной інфраштруктуры а додаваня здравотницького выбавлїня. Повів то по четверёвім телефонатї зо своїм україньскым резортным колеґом Дмітром Кулебом. Ішло о першу бісїду шефів діпломацій Україны і Ізраела, одколи концём минулого рока зложыла присягу нова ізраельска влада, інформує аґентура DPA.Коген тыж увів, же Ізраел протягом слїдующіх 60 днїв повно обновить дїялность своёй амбасады в Кієві. Тыж повів, же влада буде в будучности менше коментовати войну на Українї.

(TASR, Шутіова)