В октобрі 2022-го року проходило в Сербії списованя жытелів, котре Белеград, єднако як Мадярьско, переніс з 2021-го року. В тых дня были публікованы першы резултаты списованя в Сербії. Як інформовала аґентура Рутенпрес, за першыма резултатами, котры іщі не обсягують даны о народностных меншынах, Сербія має о пів міліона жытелів менше в порівнаню із списованьом з 2011-го року.  Покля в році 2011 жыло в Сербії 7 186 862 жытелів, в минувшім році то было уж лем 6 690 887 людей. Минусовый розділ творить 495 975 особ. В Сербії ся так в році 2022 записало о 6,9 процента менше жытелів. Зо споминаных дани мож предпокладати, же покы в році 2011 приголосило ся в Сербії ку русиньскій народности 14 246 людей то при цілковім знижованю чісла жытелів у Сербії мож очековати низше чісло і членів русиньской комуніты. (LEM.FM, Pkf)