Швеція зробила вшытко потрібне на вступ до Североатлантічной аліанції і пришов час, жебы стала їй повноправным членом. В понедільковім розговорі про шведькскый денник Aftonblaget то повів ґенералный секретарь НАТО Єнс Столтенберґ, інформує аґентура Associated Press. Столтенберґ повів, же пришов час, жебы завершыв ся ратіфікачный процес про Швецію. Швеція і Фінландія влони в маю вырішыли в реакції на російску аґресію на Україні пожадати о членство в Аліанції. Їх приятя выжадує єдномысельну згоду сучасных членів, но Турція вступ тых двох держав блокує з тым, же не хотять выдати людей, котрых Турція поважує за терорістів.

(Медвідь, TASR)