Російскы і україньскы озброєны силы очівідні уж пять днів боюють о контролю над далницьов P66, котра ся находить на севері од Російского окупованого міста Кремінна в Луганьскій області, інформує о тім денник The Guardian, котрый цітує на основі справы британьского міністерства обороны. Доріжна комунікація  P66 є ‟ключовов трасов на засобованя, котра веде з російской Беллґородской області до северной части російского фронту в Донбасі‟. Єй хоснуваня Москвов обмеджують подля британьского резорту обороны уж од октобра україньскы ділострілецькы атакы. ‟Як  бы Україна здобыла дану драгу, так бы то праведеподобно іщі веце підкопало російску оборону міста Кремінна,‟ додавать британьскый резорт обороны у своїй найновшій справі заложеній на інформаціях тайных служеб. (TASR, Pkf)