Ружовы шоферьскы леґітімації выданы до апріля 2004-го року будуть діяти уж лем до кінця рока 2023. Скінчила ся так їх необмеджена платность. Выходить то з інформацій опублікованых на сторинці Міністерства внутра СР. О нову шоферьску леґітімацію є мож особно пожадати на хоцьякім одділіню леґітімацій Поліцайного збору. Справный поплаток за выданя до 30 днів є 6,50 евр. За ускорене выданя до двох робочіх днів заплатить жытель 26 евр. Поліція выдала од 1-го януара 1993-го року до 30-го апріля 2004-го року коло 380.000 штук споминаных шоферьскых леґітімацій. (TASR, Pkf)