Штатна охрана природы СР вызывать жытелїв, навщівників і подникательскы субєкты, жебы в храненых теріторіях або в їх околіцї, коло ослав приходу Нового рока не хосновали забавну піротехніку. TASR о тім інформовала манажерка про комунікацію Крістіна Боцкова з тым, же ШОП СР не рекомендує ани робити актівіты, котрых частёв є хоснованя заряджінь способлюючіх світелны ці глуковы ефекты. Великый глук в подобі выбухів, світелных ефектів, часто зосилненых ефектом одразу од скалных утварів, може звірятам способлёвати надмерный стрес з наслїдком некотроловательного справаня. ШОП СР довєдна зо справами НП в тім роцї посилнить контролї Стражі природы зо замірянём на нелеґалне хоснованя забавной піротехнікы. Блокова покута може быти на місцї удїлена до вышкы 300 евр, в одоводненых припадах може в проступковім конаню вырости аж до вышкы 3 000 евр.

(TASR, Шутіова)