Председа Народной рады СР Боріс Коллар потвердив пробігаючі  їднаня з представителями партій о рішіню сітуації по зваліню влады. Увів то в діскусній релації RTVS. Председа Smeru-SD Роберт Фіцо ся в діскусії анґажував за што найскорішый договор о предчасных вольбах. Як ся договор на вольбы незродить, реалітов буде подля Коллара кабінет урядників призначеный презідентков Зузанов Чапутовов, такым сценарьом шак не є надхненый. Фіцо собі тыж думать, же урядницька влада не є добрым рішеньом. (TASR, Pkf)