В Татраньскій Ломніці у Высокых Татрах і  в Бахледовій долині недалеко Ждіару штартують тоту суботу 17-го децембра лижарьску сезону. В найвекшім татраньскім центрі зачали зъяздовкы засніжовати перед місяцьом од Скалнатого Плеса аж ку долній станіці лановкы. Діректор центра Душан Славковскый увів, же завдякы тому ся їм подарить отворити выходны і западны лінії зъяздовок од Чучоріедок аж до Татраньской Ломніці, на котрых є в середині пів метра снігу. Як дале  Славковскый додав, же єдночасно продовжують в засніжованю найвысшых положеных берегів і то зо Скалнатого Плеса на Чучоріедкы. Траса з Ломніцького сїдла є залежна од достатку природнього снігу. (TASR, Pkf)