Як інформує аґентура Рутенпрес, 12-го децембра 2022-го року было конштітуоване нове шесте скликаня Націоналного совіту Русинів, русиньского самосправного орґану в Сербії. На засіданю было потвердженых вшыткых 19 мандантів членів нового совіту, котрого склад вышов з новембровых выборів. Мандаты в совіті здобыло пять кандідачных списків. Новый Націоналный совіт Русинів поздоровив на засіданю радник міністра про людьскы і меншыновы права Марін Піуковіч. Новый націоналный совіт собі выбрав і свого председу. Тым став Йоакім Рац, котрый на посаді вычеряв Борислава Сакача. (ЛЕМ.ФМ, Pkf)