Европска унія протягом новембра зашле Українї далшых 1800 тон нудзовой помочі. Ознамила то у четверь Европска комісія, котра додаваня помочі Києву коордінує, інформує справодайця TASR. Найновіша матеріална поміч, котра мать помочі Українцїм перебыти зиму, походить з Белґії, Фіньска, Нїмецька, Словеньска, Луксембурьґу і Шведьска а окрем іншого вміщать і додавкы енерґії, суправы першой помочі, охранне облечіня, гасічске выбавлїня і гасічскы авта а автобусы. Вшыткы уведжены членьскы штаты ЕУ послали Українї поміч посередництвом механізму цівілной охраны.

(TASR, Шутіова)