Заместнавателі по пандемії перестали коротити выдавкы і до своїх людей зачали інвестовати знову веце. Словаків, котры немають од свого заместнавателя нияку робочу выгоду, є фурт менше. В такій сітуації є 16,4 процента Словаків. Інформувала о тім говоркыня сполочности Професіа Нікола Ріхтерова на основі аналізы іх порталу Платы.ск (Platy.sk). Доповнила, же подїл людей без екстра заместнанецькых выгод протів мінулому року понижыв ся значно. Втогды то было 19,1 процента.(TASR, Pkf)