Жытелі Данії собі днесь в передчасных вольбах выберають новый парламент. По передволебній кампані заміряній на внутрішньодержавны проблемы, боротьбу з інфалційов і высоками цінами енерґій буде мочі свій голос дати 4,3 міліона Данів. Подля передволебных бадань бы вольбы міг выграти такзваный червеный блок урядуючой премєркы Метте Фредеріксеновой, котрый бы міг здобыти 47 аж 49 процент. Такзваный синій блок, неофіціална аліанція лібералных і конзерватівных партій, котрый підтримують три популістічны партії, бы міг здобыти 40 аж 43 процент. Очекує ся, же ани єден з блоків не здобуде векшыну і зато не буде годен владнути без Умірненых – центрістічной партії бывшого премєра Ларса Расмуссена.

(Медвідь, TASR)