Бывшый брітаньскый міністер фінанцій Ріші Сунак в понедільок став новым лідером Конзерватівной партії. Його протикандідатка Пенні Мордаунтова з кандідатуры одступила. Сунак єдночасно стане новым премєром Великобрітанії. Покля бы Мордаунтова не одступила і в понедільок бы до 14.00 год. містного часу підпорило єй мінімално 100 депутатів спосеред конзерватівців, меджі депутатами Конзерватівной партії бы проходило голосованя і мено нового шефа бы сьме ся дізнали аж у пятніцю 28-го октобра. Змаганя о посаду нового шефа конзерватівців зачало минувшый тыждень, кедь премєрка Ліз Трассова абдіковала по нецілых шестьох тыжднях у функції.

(Медвідь, TASR)