Мадярьско як єдина членьска країна Европской унії схосновало можливость „конштруктівного стриманя ся“ і не заголосовало за выцвікову місію Унії про україньскых вояків, бо влада в Будапешті не підтримує пропозіції з різіком ескалації конфлікту, выголосив у понедільок в Луксембурзі шеф мадярьской діпломації Петер Сійярто. Інформує о тім TASR з одкликаньом ся на інтернетове выданя денника Magyar Nemzet. Сійярто підкреслив, же Мадярьско не поважує за добру думку будьшто, што поведе ку ескалації войны і різіку залучіня середньой ці западной части Европы до конфлікту. Рада ЕУ про загранічны діла в понедільок в Луксембурзі схвалила выцвікову місію про україньскых вояків, котра може дотуляти ся аж 15 тісяч членів україньскых озброєных сил.

(Медвідь, TASR)