Францюзькый презідент Еммануел Мацрон вызвав в неділю Німецько, абы преуказало европску солідаріту у звязку зо звышуючыма цінами енерґій. Варовав, же многоміліярдовый план Берліна на поміч німецькым спотребітелям бы міг вести к деформаціям. Інформувала о тім аґентура AFP. Влада німецького канцелара Олафа Схолза авізовала подпорный проґрам на охрану домашности і фірем в країні в сумі 200 міліярд евр. Подля крітіків то може звыгоднити Німецько і його подникы, протоже іншы країны собі спомянуты опатріня на народній уровні неможуть дозволити. Берлін є  прото під тиском многых партнерів в Европскій унії на векшу фінанчну солідаріту. (TASR, Pkf)