2-го октобра одбыло ся в Кружльові завершіня святкованя двасторічніці містного храму. На святкованях, котры были споєны з одпустом, кедьже іде о Храм Покровы Пресвятой Богородіці, одбыло ся і посвячіня інтерьєру владыком Петром Руснаком, апостольскым адміністратором Пряшівской архієпархії, бо храм перешов реконштрукційов. Владыка по посвячіню одслужыв літурґію за участи домашніх священиків, священиків з деканату, і шыршой околіці. Участны были і представителі самосправы. На кінцю торжества владыка уділив оцініня веце людям, котры помогли тому, жебы ся храм зреконштруовав. Храм в Кружльові быв реконштруованый в роках 2021 і 2022 вдяка підпорі з розрахунку Пряшівского самосправного краю, як і фінанчным дарам знамых і незнамых дарців.

(Медвідь, ISPA)