Конференційов на тему “Традиції сольного баницьтва в карпатьскім облуку“ кулмінує днесь і завтра, в пятницю 30-го септембра, серія подій орґанізуваных з нагоды 50. выроча заложіня Музея Солівар в Пряшові. Одбывать ся в просторах народной културной памяткы Склад солі, причім в часі першого дня суть выступліня заміряны на “старый Солівар“ з акцентом на історію добываня солі і даной локаліты, як і на історічну задачу єй вызнамных представителів. Інформував о тім діректор музея Марек Духонь. Другый день меджінародной конференції понукне одборны преднашкы спрямуваны на предметну теріторію з боку ґеолоґічного і ґеоґрафічного. Словацькый технічный музей – Музей Солівар в Пряшові патрить меджі найвызначнішы технічны памяткы на теріторії Словакії. Є єдиным захованым надземным комплексом технічно-технолоґічным як і історічных обєктів на черьпаня і варіня соли зо солянкы. Джерело фотоґрафії: https: facebook – PrešovAktuálne. (TASR, Пкф)