Меджінародній фестівал сучасного уменя Біла ніч (Biela noc) понукне в Кошыцях од пятниці (23. 9.) до неділі (25. 9.) в часох меджі 19.00 і 24.00 год веце як 30 іншталацій. Окрім домашніх умелців ся представлять і умелці  з Нового Зеланду, Белґії, Великой Британії, Австрії ці Німецька. Пресаґентуру TASR о тім інформували орґанізаторы. Подля умелецькой діректоркы фестівалу Зузаны Пацаковой ся подія тот рік несе главні в знаку новых технолоґій, діґіталного уменя і інтерактівіты, причім перепоює різны умелецькы жанры і є драматічно розмаїтый і іноватівный. Як дале увела, глядачі достануть множество можности вступити до діла і овпливньовати його візуалну, звукову ці просторову подобу. В понукі суть і театралны ці танечны выступліня, як і музичны продукції і workshopy. (TASR, Pkf)