Два турецькы бомбардеры мусіли быти ескортованы з ґрецького вздушного простору над островом Аґатгонісі, увели то вчера подля аґентуры DPA ґрецькы армадны джерела. Чісло перелітів турецькых бомбардерів над ґрецьков теріторійов так тот рік ся звышыло на 163 і турецькы летадла вступили до ґрецького вздушного простору без поволіня вєдно 5774 разів. Переліт над теріторійов іншой країны без поволіня є поважованый за заважне нарушіня єй сувереніты, припоминать DPA. Европска унія Турецько за такы інціденты в минулости реґалюрно крітиковала. Переліты суть єдным з главных причін згоршіня односин меджі Анкаров і Атенами напрік факту, же обидві країны суть членами Североатлантічной аліянції (NATO). (TASR, Pkf)